Ish-kryeministri, Sali Berisha foli edhe sa i takon arrestimit të krye bashkiakut të Bulqizës, Lefter Alla, i cili u kap nga SPAK pas abuzimit me një tender rreth 2 milionë euro.
Gjatë fjalës së tij Berisha e cilësoi Allën si “narkomanin e Bulqizës”, teksa shtoi se ai u arrestua për shkak se nuk donte të largohej dhe se donte të kandidonte prapë.
“Arrestuan për një tender 2 milion euro narkomanin e Bulqizës, e arrestuan se nuk pranoi të largohej, donte të kandidonte patjetër dhe ia mbanin dosjen. Ja ku e keni, kryebashkiakun e Fierit, i cili tokën bujqësore e shpall truall për të vjedhur, burgosen vartësit dhe jo kryesori”, deklaroi Berisha.
Kujtojmë se krye bashkiaku i PS-së në Bulqizë, Lefter Alla u arrestuar me urdhër të SPAK së bashku me 10 zyrtarë të tjerë të Bashkisë së Bulqizës, të cilët kanë qenë anëtarë të komisioneve për tenderët publikë.