FLASH
Shkruar nga Pamfleti
Përfaqësues të Listës Serbe kanë paralajmëruar se do të vijojnë për të tretën ditë protestat që të tërhiqen kryetarët shqiptarë në komunat me shumicë serbe. Mëngjesin e kësaj të mërkure, forcat e KFOR kanë përforcuar masat duke vendosur tela me gjemba.
Ditën e djeshme, protestuesit serb në tre komunat në veri të Kosovës, Zveçan, Leposaviç dhe Zubin Potok nuk u përplasën me ushtarët e KFOR apo Njësinë Speciale të Policisë së Kosovës, por u raportua për sulme ndaj gazetarëve shqiptarë që ndodheshin atje të raportonin situatën.
Dy ditë më parë mbetën të plagosur 30 ushtarë, nga të cilët 3 ishin ushtarë hungarezë të cilët janë qëlluan me armë zjarri. Komandanti i KFOR-it, gjeneralmajor Angelo Michele Ristuccia kërkoi nga Kosova dhe Serbia që të marrin “përgjegjësinë e plotë” për ngjarjet që ndodhën më 29 maj në veri të Kosovës.
Ndërkohë sekretari i DASH, Antony Blinken ka reaguar për situatën në veri të Kosovës duke dënuar dhunën ndaj trupave të KFOR, policisë dhe gazetarëve.
Blinken thotë se Kurti duhet të sigurojë që kryetarët e zgjedhur të kryejnë detyrat në ambiente të tjera ndërsa për Vuçiç thotë se duhet të bëjnë thirrje serbëve të Kosovës që të mos përshkallëzojnë situatën.
Lini një Përgjigje