Kosova20 Prill 2024, 21:03

Prona, banesa, makina, por edhe kredi! Zbulohet pasuria e Vjosa Osmanit, Albin Kurtit dhe Glauk Konjufcës

Shkruar nga Pamfleti

Prona, banesa, makina, por edhe kredi! Zbulohet pasuria e Vjosa Osmanit, Albin

Agjencia për Parandalimin e Korrupsionit në Kosovë ka publikuar të dhënat e deklarimit të pasurisë.

Në mesin e personave zyrtarë që kanë deklaruar pasurinë janë edhe krerët e shtetit, presidentja Vjosa Osmani, kryeministri Albin Kurti dhe kryetari i kuvendit, Glauk Konjufca.

 

Vjosa Osmani

Presidentja Vjosa Osmani ka deklaruar bashkë me bashkëshortin një banesë të blerë mbi 59 mijë euro, një garazh 6,000 euro, një shtëpi 170 mijë euro, tokë 35 mijë euro, dy banime– njëra e përbashkët në vlerë 190 mijë euro dhe tjetra 510 mijë euro.

Ajo ka deklaruar po ashtu një makinë në vlerë 10 mijë euro në pronësi të bashkëshortit. Ndërsa, edhe dy kredi, një 40 mijë euro dhe tjetra 65 mijë euro.

Paga neto vjetore e saj është 33,070 euro, kurse e bashkëshortit 17,173 euro.

 

Albin Kurti

Kryeministri Albin Kurti  ka deklaruar si pasuri të paluajtshme një banesë në pronësi të bashkëshortes, në vlerë prej 400,000 eurosh dhe të blerë me kredi.

Në bankë ka deklaruar para të gatshme rreth 1,500 euro nga paga dhe në llogarinë e bashkëshortes 2,500 euro.

Ndërsa, pagë neto vjetore 19,043 euro.

 

Glauk Konjufca

Kryetari i Kuvendit, Glauk Konjufca, ka deklaruar nëntë prona, tri prej të cilave të trashëguara (tokë), pesë të blera – tri banesa, një depo, një parking - e një shtëpi e ndërtuar. Megjithatë, vetëm tri nga këto i ka deklaruar në pronësi të veten. Gjashtë të tjerat të prindërve.

Konjufca e ka të deklaruar edhe një makinë në vlerë 3,000 euro në pronësi të bashkëshortes.

Po ashtu, ka të deklaruar mbi 61 mijë euro kredi.

Paga neto vjetore e tij është 27,555 euro.

vjosa osmani albin kurti glauk konjufca