FLASH
Shkruar nga Pamfleti
Larry Ellison, themeluesi dhe CEO i gjigantit teknologjik Oracle, është shpallur personi më i pasur në botë, duke rrëzuar nga froni Elon Musk, kreun e Tesla-s dhe SpaceX-it. Sipas të dhënave të fundit nga indekset e pasurisë, si Bloomberg Billionaires Index, pasuria e Ellison ka kapërcyer atë të Muskut, duke shënuar një moment historik në listën e miliarderëve globalë.
Rritja e pasurisë së Ellison vjen kryesisht nga performanca e jashtëzakonshme e aksioneve të Oracle, të cilat kanë njohur një rritje të ndjeshme gjatë muajve të fundit.
Sipas indeksit të miliarderëve të Bloomberg, pasuria neto e Ellison u rrit me 101 miliardë dollarë vetëm në një ditë, duke arritur në vlerën marramendëse prej 393 miliardë dollarësh në total.
Kjo rritje e pasurisë së Ellison është nxitur nga një lulëzim i aksioneve të Oracle, të cilat u rritën deri në 41% gjatë ditës së mërkurë, duke arritur rekorde intraday.
Oracle, një nga liderët globalë në softueret për menaxhimin e të dhënave, ka përfituar nga kërkesa në rritje për shërbime dixhitale, duke e çuar vlerën e kompanisë në lartësi të reja.
Në të njëjtën kohë, Elon Musk renditet tani i dyti me një pasuri prej 385 miliardë dollarësh, sipas të dhënave të Bloomberg.
Lini një Përgjigje