Shkruar nga Pamfleti
Edhe pse ka pak kohë që “Big Brother VIP 2” ka përfunduar, Luiz Ejlli vijon që të jetë në qendër të vëmendjes së publikut. Mjafton një postim në rrjetet e tij sociale dhe menjëherë bëhet shumë viral.
Gjithashtu fansat i bëjnë fotografi thuajse në çdo vend ku ai shkon dhe i postojnë në rrjetet sociale.
Një ditë më parë vëmendjen e ka marrë një postim i Luizit në “Instastory”.
Fituesi i këtij edicioni të “Big Brother VIP” ka ndarë me ndjekësit një fotografi ku shfaqet me partneren e tij, Kiara Tito dhe me mikun e ngushtë.
Ai është Eni Bushati, të cilin e përmendi pak kohë më parë gjatë një interviste në emisionin “Shqipëria Live”.
Gjatë kohës që ai ishte brenda shtëpisë më të famshme në Shqipëri, u duk sikur shumë personazhe po paraqiteshin si miqtë e tij, duke përfituar nga fama e këngëtarit të dashur për publikun.
E teksa ishte i ftuar në “Shqipëria Live”, Luizi tha se Enin nuk e njeh asnjëri dhe nuk ka tentuar kurrë që të përfitojë.
