Shkruar nga Pamfleti
Grupimi i Tifozave Kuq e Zi ka kërkuar që institucionet shqiptare të reagojnë për lirimin e dy ultrasve kuqezi të arrestuar nga policia polake dje në Varshavë. Në nisje të ndeshjes mes Polonisë - Shqipëri për Euro 2024, dy tifozët patën përplasje me policinë jashtë stadiumit, teksa u përdor edhe gaz lotsjellës për të bërë arrestimin e tyre.
"Gjithsej 420 Tifoza Kuq e Zi të pranishëm në ndeshjen në Poloni dhe miliona të tjerë duke e përkrahur me shpirt, ndoqën mbrëmë kombëtaren e zemrës. Pavarësisht rezultatit, lodhjes, sakrificave dhe kilometrave të bëra për në Poloni, na kishte marrë malli për një kombëtare të tillë. Kërkojmë nga institucionet tona ndërhyrjen për lirimin e anëtarëve tanë të arrestuar padrejtësisht dje në Varshavë", shprehen Tifozat Kuq e Zi
Veç saj, Tifozat Kuq e Zi kanë konfirmuar se 420 tifozë nga grupimi i tyre kanë qenë prezent në stadium, teksa kanë vlerësuar lojën e Kombëtares.
