FLASH
Shkruar nga Pamfleti
Kupa e Botës 2026 do të sjellë një risi të rëndësishme në ceremoninë e himneve kombëtare, me FIFA-n që ka zbuluar ndryshime të reja përpara nisjes së turneut më 11 qershor.
Sipas formatit të ri, pjesë e ceremonisë nuk do të jenë vetëm lojtarët titullarë, por të gjithë futbollistët e përfshirë në listën e ndeshjes. Ata do të dalin në qendër të fushës dhe do të pozicionohen rreth flamurit kombëtar përpara intonimit të himneve.
FIFA vlerëson se ky ndryshim do të rrisë ndjenjën e krenarisë dhe emocionit për lojtarët që përfaqësojnë vendin e tyre në kompeticionin më të madh futbollistik në botë.
Presidenti i FIFA-s, Gianni Infantino, deklaroi se loja do të përjetohet më mirë në këtë mënyrë.
“Ndërsa Kupa e Botës rritet, ne vazhdojmë të sjellim risi në mënyrën se si përjetohet loja. Të kesh të gjithë lojtarët dhe gjyqtarët përballë njëri-tjetrit në rrethin qendror të fushës gjatë himneve kombëtare do të krijojë një moment uniteti, krenarie dhe emocioni që i përket vërtet ekipeve dhe të gjithëve në stadium.
Përveç kësaj, do të kemi një ceremoni të ridizajnuar 360 gradë që angazhon çdo tifoz në stadium, duke përfshirë flamuj të vendit dhe elementë në fushë të orientuar për të krijuar një përvojë unike dhe gjithëpërfshirëse nga çdo vend, si dhe elementë të rinj vizualë, nga harqet e hyrjes së lojtarëve deri te flamujt e mbajtur në dorë, të gatshëm për të rritur ndjesinë e pritjes, me karakteristika të përmirësuara për ndeshje të zgjedhura", tha ai.
Sipas rregullores aktuale, çdo ekip mund të ketë të paktën 23 futbollistë të gatshëm për një ndeshje të Kupës së Botës, ndërsa ky numër mund të shkojë deri në 26 lojtarë.
Ju lumte Amerikaneve qe e respektojne flamurin e tyre duke e mbajtur ne oborret, dyert e catite e shtepive. Guxoi e preki te shqyejne e te djegin. Ta mesoje i madh e i vogel qe me flamurin kombetar nuk ka gje me te cmuar. Po i japin nje mesim te mire botes qe ta respektojne me shume flamurin.
flamuri i vertete i asaj pjese te amerikes veriore (se amerike eshte apo jane te dy kontinentet) eshte ai i Nativëve - pjesa tjeter jane thjesht bij emigrantesh nga europa e me gjere ......