FLASH

TAGS-AT E DITES

Gabriel Escobar

Na ndiqni edhe në
KONTAKT TE DHENAT PERSONALE COOKIES
Gabriel Escobar jep alarmin: Rusia po shfrytëzon luftën për të përçarë Ballkanin, Perëndimi të marrë masa urgjente - Bota

TAGS-AT E JAVËS

Bota 7 Mars 2022, 18:46

Gabriel Escobar jep alarmin: Rusia po shfrytëzon luftën për të përçarë Ballkanin, Perëndimi të marrë masa urgjente

Shkruar nga Pamfleti
Gabriel Escobar jep alarmin: Rusia po shfrytëzon luftën për

Qëndrimet e ditëve të fundit të presidenti rus Vladimir Putin për Shqipërinë, Kosovën dhe protestat pro-ruse në Serbi kanë shqetësuar amerikanët. Akuzat e Putin se mercenarët shqiptarë po luftojnë në Ukrainë kanë qenë sinjale të qarta se Moska po nxit përplasje në Ballkan.

Lidhur me këto zhvillime ka reaguar i dërguari i Shteteve të Bashkuara për Ballkanin Perëndimor, Gabriel Escobar, i cili është shprehur se Rusia po shfrytëzon luftën në Ukrainë për të përçarë Ballkanin dhe bllokuar avancimin e tij drejt BE.  “Rusia nuk është duke synuar interesat më të mira të këtyre shteteve. Ekonomitë tuaja janë të lidhura në Evropë. Partnerët më të mëdhenj tregtarë dhe investitorët janë në Bashkimin Evropian. E ardhmja juaj është në Evropë, si vende anëtare të Bashkimit Evropian”, ka thënë Escobar, sipas një deklarate të publikuar nga Ambasada amerikane në Beograd.

Sipas zyrtarit të DASH, integrimi në BE duhet të jetë prioriteti kryesor i Ballkanit Perëndimor.  “Ka ende shumë punë për të bërë në Ballkanin Perëndimor. Punë për të integruar rajonin në aspektin ekonomik. Punë për të gjetur kompromise dhe zgjidhje të qëndrueshme për çështjet e pazgjidhura kufitare. Le ta shfrytëzojmë këtë krizë për të siguruar gjeneratat e së ardhmes në Ballkanin Perëndimor që të jetojnë në shtetet e integruara plotësisht në Bashkimin Evropian dhe në një Evropë të lirë dhe në paqe”, tha ai.

Escobar ka theksuar se Shtetet e Bashkuara dëshirojnë të jenë partnere të këtij rajoni në këto përpjekje. “Ne duhet të shfrytëzojmë këtë shembull për të dyfishuar përpjekjet për të arritur marrëveshje kompromisi në mes të Kosovës dhe Serbisë dhe të ndalim veprime që kërcënojnë stabilitetin dhe përparimin në Bosnje-Hercegovinë”, tha ai.

Sa i takon sulmit në Ukrainë, ai tha se veprimet e koordinuara nga aleatët dhe partnerët kanë rritur presionin ndaj presidentit rus, Vladimir Putin.

Konflikti Rusi-Ukraine #Escobar #Lufte #Ballkan

Bota

 7 Mars 2022, 16:1616:16Bota