FLASH
Shkruar nga Pamfleti
Ju ftojmë të ndiqni Edicionin Informativ me zhvillimet kryesore nga vendi, rajoni e bota deri në këtë orë, ku ndër të tjera veçojmë:
Kosova shënoi 18-vjetorin e shpalljes së Pavarësisë me një paradë të Forcës së Sigurisë së Kosovës dhe Policisë, ku njëherësh u mbajtën aktivitete zyrtare pranë obeliskut New Born. Presidentja Vjosa Osmani e vendosi fjalimin në kontekst historik, duke theksuar sakrificën e luftëtarëve të UÇK-së dhe viktimat e dhunës gjatë luftës. Njëkohësisht, mijëra qytetarë marshuan në tubimin “Drejtësi, jo politikë”, në mbrojtje të ish-krerëve të UÇK-së që po gjykohen në Hagë, ndërsa pjesëmarrës ishin edhe përfaqësues nga Shqipëria dhe Kosova.
Politikë dhe qeverisje
Në Tiranë, kryeministri Edi Rama prezantoi Igli Tafën në krye të AKSHI-t, duke theksuar përfitimet nga përmirësimi i drejtësisë. Ndërkohë, po diskutohet për ndryshimet ligjore mbi pezullimet në qeveri, me vizitën e diplomates amerikane Nancy VanHorn dhe takimin e saj me kryetarin e Kuvendit Niko Peleshi.
Gjykata Kushtetuese dhe pagat e gjyqtarëve
Sot u mor vendimi final i Gjykatës Kushtetuese për ankimimin e Unionit të Gjyqtarëve mbi pagat, ku u pranua pjesërisht kërkesa për rritjen e tyre.
Siguria ushqimore dhe pronat private
Dogana e Durrësit bllokoi 7.6 ton miell të skaduar, ndërsa banorët e Baks-Rrjoll në Shkodër vijojnë protestat për pronat e tyre dhe paralajmërojnë grevë urie para SPAK-ut.
SPAK dhe vendimet e gjyqësorit
SPAK ka kërkuar dënimin me 1 vit burg për kryebashkiaken Majlinda Bufi për përdorim të funksionit publik për veprimtari politike. GjKKO dënoi me burg Gazment dhe Kalosh Peposhin për blerje votash gjatë zgjedhjeve të 11 majit në Kukës. Ndërkohë, në Belgjikë, Franc Çopja u dënua me 25 vite burg, ndërsa Mikael Qosja dhe Flobenc Meçja me burgim të përjetshëm për vrasjen e Ardit Spahiut.
Diplomaci ndërkombëtare
Kryeministri Rama nxiton për t’u afruar me Donald Trump përmes anëtarësimit të Shqipërisë në “Bordin e Paqes” në Uashington, ku mungon Presidenti turk Erdogan. Po sot fillon raundi i bisedimeve mes Iranit dhe SHBA-së në Gjenevë, ku Trump paralajmëron Teheranin të pranojë marrëveshjen bërthamore.
Sporti
Armand Duka u rizgjodh president i FSHF-së për një mandat tjetër, dhe sot ka marrë urime nga presidenti i FIFA-s, Xhani Infantino, për drejtimin e futbollit shqiptar.
Lini një Përgjigje