FLASH
Shkruar nga Pamfleti
Ushtria izraelite ka publikuar pamje që tregojnë momentin e goditjes së një kamioni që, sipas saj, përdorej si lëshues mobil raketash balistike në zonën e Tabrizit, në veriperëndim të Iranit.
Sipas Forcave të Mbrojtjes së Izraelit (IDF), sulmi ajror u krye për të parandaluar një lëshim të mundshëm raketash drejt territorit izraelit. Në njoftimin zyrtar thuhet se bëhet fjalë për një “goditje precize” ndaj një objekti që përbënte kërcënim të drejtpërdrejtë.
“Material ekskluziv nga një sulm i saktë ajror kundër një kamioni që funksiononte si lëshues mobil raketash balistike në zonën e Tabrizit. Lëshuesi u shkatërrua, duke penguar kështu mundësinë e sulmeve ndaj shtetit të Izraelit nga Irani perëndimor”, thuhet në deklaratë.
Pamjet e publikuara nuk janë verifikuar në mënyrë të pavarur, ndërsa autoritetet iraniane nuk kanë komentuar menjëherë mbi incidentin.
Zhvillimi vjen në një moment përshkallëzimi të konfliktit mes Izraelit dhe Iranit, me sulme të ndërsjella që po shtrihen në zona gjithnjë e më të gjera dhe që rrisin rrezikun e një përplasjeje më të gjerë rajonale.
תיעוד מיוחד מתקיפה מדויקת של חיל-האוויר לעבר משאית ששימשה כמשגר טילים בליסטיים נייד במרחב תבריז.
— Israeli Air Force (@IAFsite) April 4, 2026
המשגר הושמד ובכך סוכלו מתווי ירי טילים לעבר מדינת ישראל ממערב איראן. pic.twitter.com/816zzJH0hZ
Lini një Përgjigje