FLASH
Shkruar nga Pamfleti
NATO pezullon përkohësisht misionin në Irak. Tërhiqen rreth 600 trupa pas rritjes së tensioneve në rajon
NATO ka ndalur përkohësisht aktivitetet e saj stërvitore në Irak dhe ka tërhequr një pjesë të personelit të vendosur atje.
Misioni, i cili funksionon që prej vitit 2018, është prekur nga zhvillimet e fundit në Lindjen e Mesme. Vendimi lidhet me përkeqësimin e situatës së sigurisë pas sulmeve të fundit që kanë rritur tensionet në rajon.
Rreth 600 efektivë janë larguar, ndërsa autoritetet e Aleancës e konsiderojnë këtë një masë të përkohshme. Qëllimi mbetet garantimi i sigurisë për trupat ndërkombëtare të dislokuara në Irak.
Në këtë kontekst, kryeministri irakian Mohammed Shia al-Sudani ka zhvilluar një komunikim me Sekretarin e Përgjithshëm të NATO-s, Mark Rutte. Ai ka kërkuar shmangien e përshkallëzimit dhe ka theksuar rëndësinë e zgjidhjeve diplomatike.
Autoritetet në Bagdad u kanë bërë thirrje vendeve anëtare të NATO-s të mos përfshihen në mënyrë të drejtpërdrejtë në konflikt.
Lini një Përgjigje