FLASH
Shkruar nga Myslim Murrizi
Nëse trazohet sado pak qelbi i vetingut, do të dalin në sipërfaqe të gjitha halet e “drejtësisë” lakuriq
Si e kaloi vetingun gjyqtarja Irena Maneku Gjoka Shpata në KPK e qelbësirave, me relatore Genta Tafa bundrrën dhe kryesues Roland Ilian, e anëtare në këtë trup gjykuese Valbona Sanxhaktarin, mbesën e Fiqerete Shehut Sanxhaktarit.
20 mijë euro të pajustifikuara, thotë Genta Tafa Bundrra, dhe “harresa” e mosdeklarimit të pjesës takuese të shtëpisë nuk është problem.
Ndërkohë që me qindra prokurorë e gjyqtarë janë shkarkuar nga këta fundërrina për shumë e shumë më pak para të pajustifikuara, sipas këtyre palaçove të vetingut.
Çfarë e detyroi komisioneren Irena Nino, ish-hetuesen e komunizmit, që në seancën e fundit të gjykimit të Irena Gjoka Maneku Shpata në KPA, datë 31 maj 2022, të tërhiqej nga ankimi që kishte bërë në KPA komisioneri Darjel Sina, ku kërkonte shkarkimin e gjyqtares Irena Gjoka dhe rrëzimin e vendimit Nr. 241 të fundërrinave të KPK, që e kishin konfirmuar në detyrë në kundërshtim me kriteret që përcaktonte ligji i vetingut?
Komisionerja Irena Nino as nuk legjitimohej për asnjë lloj kërkese, sa kohë që kjo kërkesë dhe kjo dosje ishte bërë nga komisioneri Darjel Sina, dhe komisionerja ish-prokurore e komunizmit kishte ardhur si zëvendësuese.
Pse politika pati interes dhe u investua që komisionerja Irena Nino të tërhiqej nga ky ankim në seancën e fundit?
Po drejtuesi i sotëm i SPAK-ut, z. Klodian Braho, a ka dijeni për këtë “tërheqje” me stil shkelje syri të komisioneres Irena Nino për gjyqtaren Irena Gjoka Maneku Shpata në seancën e fundit të datës 31 maj 2022 në KPA, me një tufë fundërrinash të tjerë?
Ehhhh, sa do jetë mërzitur ish-hetuesi tjetër i komunizmit, Kostaq Dhimiter Beluri, që ka “verifikuar” dënimin e Irena Gjokës në Greqi!!!
Se dhe vetë Kostaqi me brekë nëpër këmbë e ka kaluar vetingun, vetëm se i përket regjimit bastard të diktaturës, njëlloj si hetues Kraja, prokuror Sadushi, hetues Dvorani, hetues Panda, që dënoi me pushkatim në vitin 1989 Beun e Saukut si magazinier me “defiçit”.
Po sa prokurorë e gjyqtarë të tjerë kanë kaluar vetingun duke pasur kunetër të dënuar për trafik droge në Itali, apo vëllezër e kunetër të hetuar e dënuar për trafik droge me avion në Shqipëri?
Nëse trazohet sado pak qelbi i vetingut, do të dalin në sipërfaqe të gjitha halet e “drejtësisë” lakuriq, ku shumica e atyre që kanë kaluar vetingun janë të pistë dhe llumi i ish-trupës prej 800 gjyqtarë e prokurorë, që prej 9 vitesh “hetohen” nga 27 fundërrina vetingues.
Ça eshte kjo pyetje si e kaloi vetingut?! Vetem partia te kalon ne veting or mik!