
Kristiano Ronaldo festoi ndeshjen e tij të 1200 si profesionist me një gol dhe një asist, ndërsa ndihmoi skuadrën e Al-Nassr në fitoren 4-1 ndaj Al-Rijadh.
Ish-lojtari i Realit të Madridit iu afrua më shumë Peter Shilton, i cili kryeson listën e lojtarëve meshkuj me më shumë paraqitje zyrtare.
38-vjeçari zhbllokoi rezultatin në pjesën e parë, kur goditi një krosim të Sadio Mane. Portugezi vazhdon të jetë golashënuesi më i mirë i ligës me 16 gola në 16 ndeshje.
Në minutën e tretë shtesë të pjesës së parë, Ronaldo dha një asist në golin me kokë të bashkatdhetarit të tij Otavio.
Dy golat e tjerë për Al Nassri i shënoi Taliska në pjesën e dytë të ndeshjes. Ekipi i Al-Nassri është në vendin e dytë në renditjen e kampionatit saudit me 37 pikë, pas Al-Hilal që ka 44 pikë.
Lini një Përgjigje