Sport12 Gusht 2023, 21:54

“Air Albania” i sjell sërish fat Romës, verdhekuqtë mposhtin Partizanin, goli i Tedi Carës nuk mjafton për kampionët e Shqipërisë (Video)

Shkruar nga Pamfleti

“Air Albania” i sjell sërish fat Romës, verdhekuqtë

Pas suksesit një vit më parë në Ligën e Konferencës, ku Roma fitoi trofeun e tretë europian për nga rëndësia, “Air Albania” rezulton sërish fatsjellës për skuadrën e Zhoze Murinjos. Verdhekuqtë mposhtën me rezultatin 1-2 skuadrën e Partizanit në miqësoren e luksit të zhvilluar në kryeqytetin shqiptar.

Në minutën e 12, verdhekuqtë zhbllokuan ndeshjen me El Sharauin. Pas një topi në thellësi, sulmuesi italian u shfaq i vetëm përpara portierit Hoxha dhe i kaloi topin sipër, duke e çuar në rrjetë.


Roma dyfishoi shifrat në minutën e 26. Hadroj humbi topin në krahun e djathtë dhe Spinacola nisi kundërsulmin e shpejtë, i cili u finalizua nga Beloti në të djathtë.


Në minutën e 86, Partizani ngushtoi shifrat me Tedi Carën nga pika e bardhë e penalltisë, por goli i të kuqve vlejti vetëm për statistikë.


Ky ishte testi i fundit miqësor për Romën, pasi javën e ardhshme verdhekuqtë do të ndeshen me Salernitanën në “Olimpico” në ndeshjen e vlefshme për javën e parë të Serisë A, ndërsa Partizani do të kërkojë të zhvillojë të tjera ndeshje miqësore, para startit të Abissnet Superiore.

partizani roma ndeshja miqësore