FLASH
Shkruar nga Pamfleti
Gallatasaraji ka fituar me rezultatin minimal 1-0 ndaj Liverpulit në ndeshjen e parë të fazës së 1/16-ve në Champions League, të zhvilluar në stadiumin “Rams Park” në Stamboll.
Skuadra turke kaloi në avantazh shumë shpejt, që në minutën e 7-të të takimit. Pas një goditjeje nga këndi të ekzekutuar nga Gabriel Sara, Viktor Osimhen goditi me kokë dhe topi u devijua më pas nga Mario Lemina, i cili e dërgoi në rrjetë për 1-0.
Pas golit të hershëm, ritmi i lojës ra dhe pjesa e parë nuk prodhoi raste të rrezikshme për asnjërën nga skuadrat. 45 minutat e para u mbyllën me avantazhin minimal të vendasve.
Në pjesën e dytë, Gallatasaraji arriti të shënonte sërish në minutën e 62-të me Viktor Osimhen, por goli i sulmuesit nigerian u anulua për pozicion jashtë loje.
Edhe Liverpuli gjeti rrugën e rrjetës në minutën e 70-të. Pas një goditjeje këndi dhe një rrëmuje në zonë, Ibrahima Konate e dërgoi topin në portë. Megjithatë, goli i mbrojtësit francez u anulua pas verifikimit për prekje të topit me dorë.
Deri në fund të takimit rezultati nuk ndryshoi dhe Gallatasaraji siguroi fitoren 1-0 në ndeshjen e parë. Gjithsesi, kualifikimi për në fazën tjetër do të vendoset pas një jave në ndeshjen e kthimit që do të luhet në stadiumin “Anfield Road” në Angli.
Lini një Përgjigje