FLASH
Shkruar nga Pamfleti
Spanja do të përballet me Arabinë Saudite në Atlanta në ndeshjen e vlefshme për Grupin H të Kupës së Botës, me objektivin e qartë për të siguruar fitoren e parë në turne.
Skuadra e drejtuar nga Luis de la Fuente e nisi aventurën e saj në Botëror me një barazim zhgënjyes ndaj Kepit të Gjelbër, rezultat që ka shtuar presionin për takimin e dytë në grup. Për këtë arsye, trajneri spanjoll ka vendosur të mos bëjë llogari dhe të ndërhyjë në formacion.
Ndryshimi më i rëndësishëm është rikthimi i Lamine Yamal në formacionin titullar. Talenti i Barcelonës do ta nisë ndeshjen nga minuta e parë, pavarësisht deklaratave të mëparshme të De la Fuente, i cili kishte lënë të kuptohej se lojtari do të aktivizohej gradualisht për të shmangur çdo rrezik.
Megjithatë, nevoja për një rezultat pozitiv ndaj Arabisë Saudite duket se ka ndryshuar planet e stafit teknik. Aktivizimi i Yamal pritet t’i japë më shumë kreativitet dhe shpejtësi repartit ofensiv të Spanjës, e cila synon të rikthehet te fitorja dhe të përmirësojë pozitat në grup.
Ndeshja ndaj Arabisë Saudite konsiderohet vendimtare për ambiciet e spanjollëve në këtë fazë të kompeticionit, pasi çdo hap fals mund të komplikojë rrugën drejt kualifikimit.
Lini një Përgjigje