FLASH
Shkruar nga Pamfleti
Në një moment kur e gjithë vëmendja është te përballja Shqipëri–Serbi, një figurë emblematike e futbollit shqiptar është parë mes tifozëve në “Air Albania”. Bëhet fjalë për Igli Taren, ish-kapitenin e Kombëtares dhe aktualisht drejtori i ri sportiv i Milanit.
Tare, i cili vetëm pak javë më parë u prezantua zyrtarisht në postin e ri në klubin legjendar italian, ka lënë për pak ditë angazhimet e tij për të qenë pranë skuadrës kuqezi në një nga ndeshjet më delikate dhe simbolike të dekadës. Ai është shfaqur në stadium së bashku me djalin e tij, duke konfirmuar edhe njëherë lidhjen e fortë emocionale që ka me përfaqësuesen.
I pranishëm thuajse gjithmonë në ndeshjet e rëndësishme të Shqipërisë, Tare nuk mund të mungonte në këtë sfidë, që përtej rezultatit, mbart ngarkesë të lartë simbolike dhe kujtime të ndeshjes së famshme në Beograd.
Lini një Përgjigje