FLASH
Shkruar nga Pamfleti
Kur Juventusi e bleu, ai dukej se do të ndiqte gjurmët e sulmuesve të tjerë të mëdhenj të bardhezinjve.
Juventusi u përpoq ta shiste gjatë gjithë verës, por në fund, ai qendroi, pavarësisht se kontrata e tij skadon në qershor të vitit 2026. Kjo, megjithatë, nuk ka rëndësi për askënd: as për Tudorin, as për Dushan Vlahoviç, i cili e ka filluar sezonin jashtëzakonisht mirë dhe aktualisht është sulmuesi me mesataren më të mirë të shënimit të golave në të gjithë Europën.
Më i mirë se Kejn, Haland dhe Mbape, madje.
Është shumë e lehtë të llogaritet mesatarja e golave të Dushan Vlahoviç: ai ka shënuar katër gola në katër ndeshje këtë sezon, por ka luajtur vetëm 141 minuta.
Pra, ai ka shënuar një gol çdo 35 minuta; nuk mund të ishte më mirë. Nëse ai do ta mbante këtë mesatare, kjo do të thoshte dy gola për ndeshje dhe do të ishte një bekim për Juventusin.
Ai shënoi dy gola kundër Borusias së Dortmundit, plus një asist, në gjysmë ore lojë, dhe kundër Parmës dhe Xhenoas në kampionat në dy javët e para.
Dushan pritet të jetë titullar në Verona dhe do të përpiqet të ruajë mesataren e tij shumë të lartë.
Statistikat për Herri Kejn dhe Kilian Mbape janë padyshim po aq të jashtëzakonshme.
Ata gjithashtu debutuan në Champions me dy gola dhe shënojnë vazhdimisht kundër Bajernit dhe Realit të Madridit. Kejn ka shënuar shtatë gola në 330 minuta, ose një çdo 47.5 minuta.
Mbape, nga ana tjetër, ka shënuar gjashtë gola në pesë ndeshje mes La Ligës dhe Champions, ose një çdo 74.5 minuta. Ndërsa Erling Haland ka shënuar një gol çdo 70 minuta.
Lini një Përgjigje