Sport18 Mars 2023, 19:52

Arkitekti i gjeneratës së artë, Zlatko Daliç në krye të Kroacisë deri në vitin 2026

Shkruar nga Pamfleti

Arkitekti i gjeneratës së artë, Zlatko Daliç në krye

Zlatko Daliç është kthyer në një ikonë, në një personazh unik në Kroaci duke e dërguar përfaqësuesen ballkanase në majën e botës.

Daliç është arkitekti i suksesit historik të viteve të fundit me gjeneratën e artë të kombëtares Kroate ku me yje si Modriç, Rakitiç, Brozoviç, Lovren e shumë të tjerë arritën të fitojnë medalje argjendi dhe bronzi në dy Botërorët e fundit.

Aktualisht pjesë e katërshes finale për trofeun e Ligës së Kombeve, Daliç nuk do të dorëzohet dhe do të synojë të fitojë këtë trofe me skuadrën e tij.

Me anë të një njoftimi, Federata Kroate e Futbollit ka bërë me dije se Zlatko Daliç do të vijojë të jetë në krye të ekipit kombëtar deri në vitin 2026.

Kupa e Botës 2026 do të zhvillohet në tri shtete: SHBA, Kanada dhe Meksikë.

zlatko daliç trajneri i kroacisë