Shkruar nga Pamfleti
Reali i Madridit dhe Barcelona, rivalë në fushë, bëhen aleatë jashtë për një betejë ligjore me La Ligën në lidhje me menaxhimin e të drejtave të markës “El Clasico”.
Një formulim që dy klubet nuk do të mund ta përdorin më për të reklamuar ndeshjen. Në të vërtetë, Zyra Spanjolle e Patentave dhe Markave vendosi kështu, sepse beson se ka një mundësi konfuzioni midis atij të kërkuar nga klubet (pikërisht “El Clasico”) dhe atij të përdorur tashmë nga La Liga – “ElClásico” – të cilin e konsideron tashmë të njohur dhe mjaftueshëm të konsoliduar.
Organi tha se ekzistonte një mundësi konfuzioni që “përfshin një rrezik të lidhjes” me markën tregtare të regjistruar më parë.
Ai gjithashtu ka shqetësime për ngjashmëritë e “simboleve” ose logove, si dhe reputacionin e markës së mëparshme me të cilën marka e kërkuar “mund të krijojë një lidhje në mendjen e konsumatorit”.
Kjo rezolutë është shumë e rëndësishme, pasi parandalon totalisht përdorimin e markës së një ndeshjeje që ka shumë rëndësi tregtare në të gjithë botën.
Sa herë që luhet Real Madrid-Barcelona, organizohen ngjarje në të gjithë botën, nisin fushata imazhi dhe është një burim tregtar vendimtar për të gjitha klubet, kur bëhet fjalë për shitjen më të mirë të të drejtave televizive në të gjitha tregjet.
Në këtë pikë Reali i Madridit dhe Barcelona kanë një muaj në dispozicion për të apeluar dhe për të vazhduar betejën e tyre.
