
Ndonëse nuk është në periudhën e tij më të mirë me fanelën e kombëtares shqiptare, por nuk është e njëjta gjë për Jasir Asanin në Korenë e Jugut. Sulmuesi kuqezi është bërë sërish protagonist sot.
Jasir Asani ka arritur të gjejë rrugën e rrjetës në përballjen mes Guangju dhe Gimcheon Sangmu në javën e 23 të kampionatit. Në minutën e 37 të takimit, shqiptari prishi ekuilibrat e takimit me një super gol nga jashtë zone.
Asani arriti të shënojë sërish pas dy minutash, por goli u anulua për pozicion jashtë loje. Një formë tepër e mirë e sulmuesit të kombëtares pasi në 5 ndeshjet e fundit ka arritur të shënojë 4 gola.
Lini një Përgjigje