FLASH
Shkruar nga Pamfleti
Departamenti Amerikan i Shtetit ka goditur Ballkanin Perëndimor sërish me non-grata. DASH ka përcaktuar publikisht non-grata ish-kryetarin e bashkisë së Budvës dhe deputetin Milo Bozoviç dhe ish-kryetaren e Gjykatës Supreme të Malit të Zi Vesna Medenica, duke iu ndaluar hyrjen në SHBA për shkak të përfshirjes së tyre në korrupsion dhe trafikimin e drogës.
“Bozoviç abuzoi me pozicionet e tij publike për të mbështetur krimin e organizuar dhe operacionet ndërkombëtare të trafikimit të drogës. Më vete, Medenica abuzoi me pozicionin e saj publik për të mbështetur një organizatë kriminale të kontrabandës duke rrjedhur informacione gjyqësore, duke ndërmjetësuar vendime gjyqësore dhe duke pranuar ryshfete për të shtrembëruar rezultatet gjyqësore në këmbim të parave të gatshme dhe pasurive të paluajtshme”, thuhet në deklaratën e DASH.
DASH shton se këto përcaktime riafirmojnë angazhimin e Shteteve të Bashkuara për të luftuar trafikun e paligjshëm të drogës dhe organizatat kriminale transnacionale dhe korrupsionin që kërcënojnë interesat e sigurisë kombëtare të SHBA-së në Ballkanin Perëndimor dhe më gjerë.
Lini një Përgjigje