FLASH
Shkruar nga Pamfleti
Sali Berisha, kreu i PD, nga Kukësi ku pasditen e së hënës zhvilloi takimin e rradhës në kuadër të zgjedhjeve parlamentare të 11 majit, akuzoi kryeministrin Edi Rama si përçarës, si një njeri pa vlera.
Berisha tha se Rama po sillet nga një takim në tjetrin me një fjalor të padenjë, një burrec dy metra i gjatë.
“Njëherë thotë se burrat janë kështu e ashtu, duke harruar se burrat janë baballarët e fëmijëve të atyre zonjave, janë shoku i jetës së tyre, janë bashkëjetesa, janë harmonia. Herën tjetër bërtet, ajo që është e ndarë, ajo na duhet më shumë ne.
Turp i madh shumë!
Po si mund të flasësh ti se na duhet ajo dhe kjo? Çfarë janë ato dhe këto që t’u dashkan ty, i pafytyrë. Me një gjuhë të tillë flet...
Herën e tretë nxjerr fëmijët përpara dhe në një propagandë absolutisht të dënueshme, 100 përqind të dënueshme, u thotë kontrolloni në Google videot e tij nudo. Mburret me to.
Këto nuk janë rastësi. Jo, jo.
Këto janë botëkuptim i atyre të cilët vërshuan jo vetëm në Shqipëri, por edhe në botë, kundër familjes dhe vlerave të saj.
Është botëkuptimi i atyre të cilët thanë se ka ikur koha të quajmë nënën, nënë dhe babën, babë.
Është botëkuptimi i atyre të cilët prunë në parlament ligjin për të krijuar fermat e grave dhe për të lindur fëmijët e askujt.
Është botëkuptimi i njerëzve që kanë humbur të gjitha normat morale të njerëzve normalë.
Por, Edi Rama, këto nuk do kalojnë kurrë tek Shqipëria dhe shqiptarët.
Ti me atë gjindjen tënde mund të bësh ç’të duash, nuk dua të them se çfarë meriton, por me familjen shqiptare mos luaj se nuk loz dot kurrë.
Me fëmijët shqiptarë mos luaj.
Larg duart nga propaganda e turpshme që është e dënueshme në çdo vend të botës”, tha Berisha.
Lini një Përgjigje