FLASH

TAGS-AT E DITES

Fatjon Murati

Na ndiqni edhe në
KONTAKT TE DHENAT PERSONALE COOKIES
Në makinë me Indrit Doklen, kush është i arrestuari Fatjon Murati dhe lidhjet me masakrën e trefishtë në Fushë Krujë - Kronike

TAGS-AT E JAVËS

Kronike 8 Tetor 2022, 22:13

Në makinë me Indrit Doklen, kush është i arrestuari Fatjon Murati dhe lidhjet me masakrën e trefishtë në Fushë Krujë

Shkruar nga Pamfleti
Në makinë me Indrit Doklen, kush është i arrestuari Fatjon

Policia ka vënë sot në pranga shtetasin Fatjon Murati, i cili kërkohej për armëmbajtje pa leje.

Kapja e tij ndodhi pas kontrolleve që po kryen policia për emrat e shpallur në kërkim. Gjatë kontrollit në një makinë, u zbulua se aty ndodhej Murati bashkë me ish-kreun e Bandës së Durrësit Endrit Dokle.  Ky i fundit u shoqërua dhe po merret në pyetje, pasi ishte në makinë me një person të shumëkërkuar.

Emri i Muratit doli kur ndodhi masakra në Fushë Krujë, si person që kishte dijeni. Policia kërkoi marrjen në pyetje të tij, por nuk e gjeti dot.

Duhet theksuar se pasi ndodhi atentati në Fushë Krujë, ku u vranë Brilant Martinajt, Diklen Vata dhe Besmir Hoxha, policia nxori një listë me persona të dyshuar dhe në të ishte emri i Fatjon Muratit. Mësohet se ai do të pyetet edhe për këtë ngjarje.

Po ashtu si rezulton bashkëpunëtor i Kristjan Gjinit, 25 vjeç. Pak ditë më parë, në Tiranë u kap një bazë armatimesh, që i përkiste Kristian Gjinit. Policia përmes një njoftimi zyrtar raportoi sot se Murati dhe Gjini bashkëpunonin sëbashku.

Kristjan Gjini kishte marrë në emër të tij 2 ambiente me qira në kompleksit rezidencial ‘Fusha’ në kryeqytetet, në njërën prej të cilave jetonte Franceska Kolgjegja. Gjatë kontrollit në këto 2 banesa u gjetën 7 armë zjarri, 4 silenciatorë, municion luftarak, krehra, lëndë e dyshuar narkotike, 2 radio si ato të Policisë, dorashka, 7 maska, një thikë, dokumente të dyshuara të falsifikuara, targa të huaja dhe 2 automjete.

Kronike Dokle Murati policia

Kronike