FLASH

TAGS-AT E DITES

zgjedhjet vendore

Na ndiqni edhe në
KONTAKT TE DHENAT PERSONALE COOKIES
Mona e rrezikuar struket tek Basha, pritet zyrtarizimi i aleancës PD- LSI për zgjedhjet vendore - Aktualitet

TAGS-AT E JAVËS

Aktualitet28 Mars 2018, 07:29

Mona e rrezikuar struket tek Basha, pritet zyrtarizimi i aleancës PD- LSI për zgjedhjet vendore

Shkruar nga Pamfleti
Mona e rrezikuar struket tek Basha, pritet zyrtarizimi i aleancës PD- LSI

Partia Demokratike dhe Lëvizja Socialiste për Integrim duket se po shkojnë drejt një koalicioni në zgjedhjet vendore. Mbledhja e përbashkët e grupeve parlamentare që këto dy forca zhvilluan dy ditë më parë faktoi edhe njëherë bashkëpunimin e ngushtë mes PD dhe LSI. Por edhe pse baza demokrate dhe ajo e LSI janë shprehur kundër këtij bashkëpunimi, ajo çka bie në sy është se Basha me Kryemadhin duket se kanë vendosur të bëjnë koalicion në zgjedhjet vendore.

Kjo për faktin se në kuadër të këtij bashkëpunimi që Partia Demokratike ka ndërmarrë me Lëvizjen Socialiste për Integrim është mësuar, nga burime të sigurta të gazetës, se krerët e këtyre dy forcave kanë nisur negociatat për ndarjen e bashkive. Ndonëse akoma asgjë nuk është bërë zyrtare është mësuar ndër të tjera se Basha me Kryemadhin kanë nisur po ashtu që të detajojnë edhe marrëveshjen e koalicionin. Madje në kuadër të kësaj marrëveshje që po hartohet Kryemadhi, duke parë që LSI është më e rrezikuar se PD, i ka vendosur Bashës disa kushte.

Kështu, sipas burimeve të gazetës “Sot” një nga kushtet që ka paraqitur Kryemadhi ka qenë që LSI në zgjedhjet vendore të mbaj po të njëjtat bashki që ka aktualisht, për të kandiduar. Kjo për faktin se LSI nuk do që të humbasë bastionet e saj dhe ka kërkuar që të vijojë të kandidojë në po të njëjtat bashki. Ndërkohë Kryemadhi përveç kësaj kërkese i ka parashtruar Bashës edhe kërkesën për të dal në zgjedhjet vendore me kandidatë të përbashkët.

Por edhe pse nuk dihet se kush do të jetë qëndrimi i kreut demokrat Lulzim Basha në lidhje me këto dy kërkesa, gazeta ka mësuar se javën e ardhshme PD dhe LSI, me shumë mundësi do të njoftojnë aleancën e përbashkët. Ndërkohë nga ana tjetër mundësinë e një koalicioni mes PD dhe LSI e ka pohuar dje edhe kreu i këshilltarëve demokratë në bashkinë e Tiranës, Kreshnik Çollaku. I ftuar në një studio televizive, Çollaku duke u ndalur tek mbledhja e përbashkët e PD me LSI deklaroi se nuk përjashtohet një koalicion mes këtyre forcave.

“Shumë njerëz mendojnë që ne kemi një koalicion, kemi një bashkërendim të rëndësishëm në këtë fazë i betejës opozitare në parlament. Megjithatë nuk përjashtohet një koalicion, por kjo nuk do të thotë këtë gjë. Vendimi për koalicione është një vendim që i takon secilës parti”, tha ai.

Kryesore Mona e rrezikuar struket tek Basha pritet zyrtarizimi i aleancës PD dhe LSI për zgjedhjet vendore

Aktualitet