FLASH
Shkruar nga Pamfleti
Një zjarr i përmasave të mëdha ka shpërthyer në fabrikën e letrave në zonën e ish-Kombinatit Metalurgjik në Elbasan, duke krijuar një situatë alarmante dhe mbuluar zonën me tym të dendur.
Flakët janë përhapur me shpejtësi në objekt, ndërsa shtullungat e tymit janë bërë të dukshme edhe nga zona të largëta të qytetit. Intensiteti i zjarrit ka shkaktuar ndotje të konsiderueshme të ajrit dhe shqetësim te banorët e zonës.
Pas marrjes së njoftimit, në vendngjarje janë dërguar të gjitha mjetet dhe ekipet e Shërbimit Zjarrfikës të Elbasanit, të cilat po punojnë për të izoluar flakët dhe për të parandaluar përhapjen e tyre në bizneset dhe objektet pranë.
Deri tani nuk raportohet për persona të lënduar, ndërsa autoritetet nuk kanë dhënë ende informacion zyrtar mbi shkaqet e zjarrit.
Ndërkohë, operacioni për shuarjen e flakëve vijon, ndërsa vlerësimi i dëmeve materiale do të bëhet pasi situata të vihet plotësisht nën kontroll.
Lini një Përgjigje