FLASH
Shkruar nga Pamfleti
Deputeti i Lëvizjes Bashkë, Redi Muçi, ka deklaruar nga foltorja e Kuvendit se rendi i ditës në seancën parlamentare duhet të ishte diskutimi mbi protestat që po zhvillohen prej katër ditësh në Tiranë.
Gjatë fjalës së tij, Muçi u shpreh se protestat e të rinjve kanë vendosur tashmë prioritetet politike të vendit, ndërsa akuzoi qeverinë për korrupsion dhe mungesë llogaridhënieje.
Deputeti i Lëvizjes Bashkë tha se kryeministri Edi Rama duhet të ishte i pranishëm në Kuvend për të dhënë shpjegime lidhur me situatën dhe kërkesat e protestuesve.
Ai theksoi se Shqipëria po zien nga protestat e të rinjtë të cilat kërkojnë njëzëri “Rama në burg dhe Berisha në burg” dhe se kryeministri Edi Rama duhet të ishte i pranishëm dhe të jepte llogari.
“Rendi i ditës që ju lexuat si përket kësaj seance. Rendin e ditës e kanë vendosur ata të rinj dhe të reja që po protestojnë. Rendi i ditës së sotme është kërkesa për dorëheqjen e një qeverie, të krimbur dhe kalbur nga korrupsioni. Mos e vazhdoni më këtë teatër patetik. Shqipëria po zien nga entuziazmi. Rama në burg dhe Berisha në burg, kjo kërkesë është e vërtetë. Kjo do t’ju lejojë dhe ju të jeni më të qetë.”, tha Muçi.
Lini një Përgjigje