FLASH

TAGS-AT E DITES

Lefter Koka

Na ndiqni edhe në
KONTAKT TE DHENAT PERSONALE COOKIES
Vangjush Dako dhe Lefter Koka rrezikojnë procedim penal për abuzimin në Kodrën e Currilave në Durrës, Donald Lu e paralajm - Aktualitet

TAGS-AT E JAVËS

Aktualitet 8 Prill 2018, 18:34

Vangjush Dako dhe Lefter Koka rrezikojnë procedim penal për abuzimin në Kodrën e Currilave në Durrës, Donald Lu e paralajm

Shkruar nga Pamfleti
Vangjush Dako dhe Lefter Koka rrezikojnë procedim penal për abuzimin

Vangjush Dako dhe Lefter Koka rrezikojnë procedim penal për abuzimin në Kodrën e Currilave në Durrës, Donald Lu e paralajmëroi

Kryebashkiaku i Durrësit Vangjush Dako dhe ish ministri i Mjedisit Lefter Koka janë në “radarin” e Prokurorisë së drejtuar nga Arta Marku.

Shkak për një procedim të mundshëm penal të përfaqësuesit të lartë të PS në krye të bashkisë Durrës Dako dhe të përfaqësuesit të LSI tashmë deputet Koka është një investim i dështuar në kufijtë e abuzimit në Kodrën e Currilave në qytetin bregdetar. I cili përpos abuzimit me paratë e qytetarëve shqiptarë përban dhe rrezikun për jetën e banorëve.

Kështu, në mesin e muajit mars të këtij viti, u deshën vetëm disa reshje të pakta shiu për të zbuluar se investimi mbi 2 milion dollarë para tre vitesh për rehabilitimin e Kodër-Currilave në Durrës ishte një shpenzim i kotë. Madje shumë korruptiv.

Balta dhe dhera të shumta bllokuan njërën prej korsive të aksit rrugor Durrës-Currila, duke u shndërruar në një denoncim për investimin e qeverisë shqiptare, të realizuar nga Bashkia e Durrësit, e drejtuar prej Vangjush Dakos. Por dhe një investim i mbështetur nga Ministria e Mjedisit e drejtuar nga përfaqësuesi i LSI Lefter Koka.

Sasia e lëndës inerte shkatërroi rrjetën plastike që ishte vendosur për mbajtjen e dherave, e vetmja gjë që është bërë nga investimi i kushtueshëm.

Në Prill 2015, pak javë para zgjedhjeve lokale, kryeministri Edi Rama u shfaq në krah të njeriut të tij të besuar, Vangjush Dakos dhe ish ministrit të Mjedisit, përfaqësuesit të LSI Lefter Koka për të bindur durrsakët se kishte ardhur fundi i rrëshqitjeve në zonën e Kodër-Currilave.

Në atë kohë PS dhe LSI ishin bashkë në koalicion qeveritar. Rama deklaroi në atë kohë, në kuadër të fushatës elektorale, se investimi në këtë zonë do të eleminonte për një kohë të gjatë problemet në këtë zonë.

“Falë kësaj ndërhyrjeje të qeverisë shqiptare, këtu kemi një transformim rrënjësor, janë mbjellë 50 mijë fidanë dhe brenda një harku 2-3 vjeçar do të kemi një pamje të transformuar të një kodre të gjelbëruar dhe një larmi bimësie, që do të jetë vërtet një atraksion i rëndësishëm për të gjithë ata që do të shfrytëzojnë vijën e shëtitjes në ajër të pastër.

Një vijë shëtitjeje që synojmë ta zgjasim e ta çojmë deri tek Kodra e Vilës, për t’i dhënë qytetarëve të Durrësit, një kilometër shëtitore të re”, tha kryeministri në atë kohë.

Ndërsa Dako, duke qëndruar në të njëjtën linjë të shefit të tij, Rama, u shpreh në atë kohë se “kjo kodër i është rikthyer qytetarëve të Durrësit si një vend shëtitjeje e argëtimi.

Ne do të vazhdojmë bashkëpunimin me Ministrinë e Mjedisit, për ta shtrirë këtë projekt deri te Kodra e Vilës, për t’i dhënë mundësinë qytetarëve të Durrësi ta shijojnë atë, edhe si një pistë vrapimi”.

Në të njejtën linjë ka qënë dhe ish ministri i LSI, Lefter Koka.

Ministri i Mjedisit i asaj kohe e cilësoi një model për zona të tjera të ngjashme, me rëndësi ekonomike dhe turistike.

“Një model që edhe një zonë që kishte humbur çdo shpresë dhe kishte humbur besimi i njerëzve mund të transformohej në një lulishte dhe sot do ta konsideroj me plot kuptimin e fjalës, një peizazh natyror i përkryer. Ne do të vazhdojmë në zona të tjera të Shqipërisë, që janë zona të rëndësishme ekonomike, turistike“, tha ministri Koka në atë kohë.

Por pas 3 vjetësh, pikërisht në kohën kur Rama, Dako dhe Koka kishin premtuar se pamja e Kodër-Currilave do të ishte transformuar për mirë, pak reshje shiu nxorën bllof fjalët e tyre, shoqëruar me shkatërrimin e plotë të këtij investimi, të deklaruar në letra në vlerën e mbi 2 milion dollarëve.

Mëngjesin e datës 19 Mars 2018, balta argjilore mbërriti deri në rrugë, si pasojë e erozionit të tokës në Kodrën e Currilave. Për tre ditë, punonjësit e pastrimit të Bashkisë Durrës u munduan të pastronin dëmin, i cili do të përsëritet sa herë që do të ketë reshje shiu.

Investimi i dështuar 2 milion dollarë në Kodër-Currila dyshohet se fsheh një aferë korruptive në realizimin e punëve publike në Durrës. Por, pavarësisht këtij fakti, ende nuk është bërë publik nëse nga Prokuroria e Durrësit të ketë nisur ndonjë hetim për dëmin financiar të shkaktuar nga zbatuesit e projektit, Bashkia Durrës.

Ky rast është një prej atyre që vë në provë edhe vullnetin e Kryeprokurores së Përkohshme, Arta Marku, për të dëshmuar se ajo mund të hetojë edhe eksponentë të së majtës që qeveris vendin.

Mësohet se kanë nisur lëvizjet për një hetim të gjithanshëm dhe procedim të mundshëm penal të Dakos dhe Kokës.

Këtë e ka paralajmëruar dhe ambasadori amerikan në Tiranë Donald Lu, mbështetësi kryesor i arrestimit të “peshqve të mëdhenj” të korrupsionit në Shqipëri.

Në një intervistë televizive të pak ditëve më parë, Ambasadori Amerikan Donald Lu u shpreh se “pret që të shohë nga Arta Marku të nisë hetime edhe nga e majta”.

Publiku e qytetarët durrsakë janë në pritje nëse Kryeprokurorja do të nisë hetimin për kryebashkiakun e Durrësit, Vangjush Dako./Pamfleti.com

Kryesore Kodra e Currilave Lefter Koka Vangjush Dako

Aktualitet